| Mércores 11 de xullo. 2018
| Pasarrúas ás 10:30 h. / Concerto ás 20:00 h.
| Barrio de San Benito » ver mapa
Dentro da programación das Festas de San Benito 2018.
Levan 150 anos acompañando algúns dos momentos máis importantes da historia de Arcade e pódese dicir que puxeron o ritmo á maioría das datas craves desta localidade. Creada en 1868 polo empeño dun grupo de amigos, a Agrupación Musical Artística de Arcade non deixou de tocar desde entón. A diferenza doutras bandas que interromperon a súa actividade durante a Guerra Civil, esta agrupación sempre estivo activa. O seu século e medio de vida convértelles nos máis veteranos de todo o sur da provincia de Pontevedra.
Na actualidade conta cunha trintena de integrantes cunha idade media entre os 18 e os 20 anos, mentres que a sección xuvenil ten 40 membros. Este centro de ensino xurdiu no ano 2000 despois dun intento errado tres anos antes . Ata a data polas súas aulas xa pasaron medio milleiro de alumnos e na actualidade hai 98 matriculados.
