1º Xornada. Acompañando na aventura de crecer (3º edición): Importancia do sono na saúde dos/as nenos/as

| Venres 16 de febreiro (1ª xornada). 2024
| Obradoiro: ás 16:30 h • Require inscrición previa
| Conferencia: ás 18:30 h
 • Entrada libre e de balde ata completar prazas
Centro Cultural Municipal » ver mapa

Acompañando na aventura de crecer (3º edición)


Importancia do Sono na saúde dos/as nenos/as

Relatora: Isabel Portela


Xornadas para familias e profesionais
Organiza: Biblioteca Municipal do Porriño


Nesta nova edición das xornadas, organizadas pola Concellería de Cultura do Porriño, a través da Biblioteca Municipal, abordarase novamente e dende diferentes perspectivas, como favorecer e previr problemas de atención e aprendizaxe. A atención e a presenza plena son habilidades que se cultivan dende a primeira infancia e as persoas adultas temos a responsabilidade de ser modelo e fomentar o espazo que lle permita á nosa infancia cultivar esta aprendizaxe.

Repetindo o formato da pasada edición, que tivo tan boa acollida, nesta ocasión volverase realizar un obradoiro, previo á conferencia, no que se favorecerá a experimentación en grupos reducidos e que precisa dunha inscrición previa na biblioteca ou a través do correo electrónico: biblioteca@oporrino.org.
Despois do obradoiro terá lugar a conferencia aberta a todo o público, que non require inscrición.


Acompañando na aventura de crecer (3º edición)


1ª Xornada


Importancia do Sono na saúde dos/as nenos/as

Venres 16 de febreiro
Obradoiro: ás 16:30 h | Conferencia: ás 18:30 h

Exploraremos a relación entre o sono, o crecemento físico e o rendemento cognitivo dos/as nenos/as. Repasaremos os sinais comúns de problemas de sono e comentaremos estratexias para establecer rutinas saudables. O obxectivo é que os/as asistentes saian cun entendemento más profundo da importancia do sono e obteñan ferramentas prácticas para promover hábitos saudables nos/as máis pequenos/as.


Relatora: Isabel Portela

Isabel Portela

Graduada en Enfermería, Máster en Investigación Clínica e Xestión do Coñecemento Científico e experta en diagnóstico e tratamento dos trastornos do sono.

Membro de diferentes sociedades científicas do sistema respiratorio e responsable asistencial nacional de Air Liquide Healthcare.

Apaixonada da transmisión de información que poida axudar ás persoas a mellorar a calidade do seu descanso.


Acompañando na aventura de crecer (3º edición)

Xa o sabes, reserva na túa axenda o terceiro venres de febreiro, marzo e abril. Non o esquezas, ás 16:30 h os obradoiros (con inscrición previa) e ás 18:30 h as conferencias no Centro Cultural Municipal.

Correo electrónico para as inscricións: biblioteca@oporrino.org

Servizo de acompañamento infantil: durante o tempo da charla contaremos con persoal para acompañar as vosas crianzas e aproveitar para mostrarlles o fondo bibliográfico da Biblioteca Municipal.


  • 1ª Xornada. Venres 16 de febreiro
    Importancia do sono na saúde dos/as nenos/as

    Relatora: Isabel Portela
  • 2ª Xornada. Venres 15 de marzo [ver]
    Visión e atención
    Relatora: Blanca Olmedo García-Señoráns
  • 3ª Xornada. Venres 19 de abril [ver]
    O corpo e o movemento do/a neno/a como ferramenta para a súa aprendizaxe
    Relatora: Yolanda García Pizarro

Laura Alonso Coto (coordinadora das xornadas)

Laura Alonso Coto.Coordinadora das charlas acompañando na aventura de crecer

Óptico-optometrista con formación de Posgrao en Optometría Clínica e Terapia Visual. Ampla e continua formación en varios ámbitos, destacando o desenvolvemento infantil. Conferenciante en diferentes relatorios e cursos de ámbito nacional e internacional.

Vocación altruísta, que a leva a colaborar con varias asociacións, así como a ser socia clínica de SIODEC (Sociedade Internacional de Optometría do Desenvolvemento e o Comportamento). Tamén participa activamente en “Abre sus Ojos”, onde realiza a avaliación a persoas con discapacidade intelectual, e en “Ocularis”, onde forma profesionais en países en desenvolvemento.

Actualmente, combina a súa traxectoria profesional coa dirección da súa propia consulta de optometría e imparte cursos para optometristas a través da “Asociación Española de Optrometristas Unidos”, entre outros proxectos de divulgación e prevención visual.


Descarga o programa das charlasPDF ]


Biblioteca Municipal do PorriñoCabecera-web-ecultura.png