| 3 de agosto. 2016
| Ás 21:00 h.
| Praza de Antonio Palacios » ver mapa
Brais Iriarte e Fran Núñez de Limiar Teatro serán os encargados de levar a escena o espectáculo “A Lingua na boca. Letras, riscos e pensamentos de Castelao”.
Este espectáculo cómico, poético e musical pretende achegarnos a vida e obra do polifacético Alfonso Daniel Rodríguez Castelao.
“A Lingua na boca” é un espectáculo multidisciplinar que integra música en directo, teatro, manipulación de obxectos e narración oral para xogar coa lingua. Un espectáculo sobre o home, sobre o debuxante, sobre o médico, sobre o político, sobre o escritor. Sobre Galicia e a súa lingua a través dunha achega contemporánea á obra de Castelao. Dicía Castelao: “Se aínda somos galegos é por obra e graza da lingua”. A lingua como xeito de entender e coñecer o mundo, a lingua como elemento de unión nun relato cultural compartido.
Durante o espectáculo, interpretaranse temas e melodías tradicionais galegos actualizados xogando coas posibilidades creativas que achega unha loop station e interpretados con guitarra, contrabaixo, melódica, zanfona e percusión.
A obra enmárcase dentro da celebración do Ano Castealo promovido pola Deputación de Pontevedra.
Máis información sobre a Limiar Teatro na súa web » ligazón externa