| Días 20, 21, 24, 25 e 29 de novembro. 2023
| Varias localizacións e horarios
Organizan: Concellería de Igualdade e CIM Do Porriño
A Concellería de Igualdade do Concello do Porriño, que dirixe Carolina González, xunto co CIM do Porriño, no marco da campaña polo Día Internacional para a Eliminación da Violencia Contra a Muller, propón unha serie de actividades que chaman á reflexión contra este tipo de violencia abertas á participación de todo o tecido social do municipio.
Luns 20 de novembro
Os actos comezarán xa o luns, día 20, coa colocación dun lazo violeta no balcón do Concello que permanecerá ao longo de toda a semana para amosar o compromiso institucional contra a violencia de xénero e o apoio ás mulleres vítimas.
Martes 21 de novembro
O martes día 21, o Centro Cultural Municipal acollerá a mesa redonda “A violencia contra as mulleres, dende o ámbito xudicial e social”, será a partir das 17:00 h e inclúe as seguintes ponencias:
- Ás 17:00 h. “A violencia de xénero no sistema xudicial”, Dna. Raquel Casas Santomé, Xuíza do Xulgado de 1ª Instancia e Instrución Nº 3 do Porriño
- Ás 17:45 h. “O réxime de visitas no novo marco normativo”, Dna. Paula Blasco Muela, Fiscal da Fiscalía Provincial de Pontevedra
- Ás 18:30 h. “Prestacións económicas a favor das mulleres vítimas de violencia de xénero e outros tipos de violencia”, Dna. Patricia Fernández López, Subdirectora Xeral para o Tratamento da violencia de xenero da Secretaría Xeral de Igualdade da Xunta de Galicia
- Tamen participará o señor Alcalde do Concello do Porriño, D. Manuel Alejandro Lorenzo Alonso e a Concelleira Delegada de Igualdade do Concello do Porriño, Dna. Carolina González Costas
Venres 24 de novembro
ACTUALIZACIÓN: nova localización
O venres 24, a partir das 18:30 h no Centro Cultural Municipal Salón de plenos do Concello, poñemos a mirada na pantalla a través do cine contra a violencia de xénero, 7 curtametraxes para reflexionar sobre o tema:
- “36” de Ana Lambarri. Violencia no fogar
- “A entrevista” de Fernando Tato e Susana Sampedro. Violencia no fogar.
- “Anatomía dunha serea” de Adriana Páramo. Violencia obstetricia
- “O peor que podería pasar” de Elena Tara. Ciberviolencia
- “Harta” de Julia Castro. Violencia vicaria
- “16 de decembro” de Álvaro Gago. Acoso sexual
- “Best seller” de Marck Lemcke. Rapto
Sábado 25 de novembro
A xornada do sábado, 25 de novembro, acollerá o groso da programación:
- Ás 10:00 h. Praza Arq. Antonio Palacios. Instalación do Punto Violeta
- Ás 10:00 h. Seminario de defensa persoal feminina
- Ás 11:00 h. Praza Arq. Antonio Palacios. I Andaina Familiar contra a violencia de xénero
- Ás 12:30 h. Praza Arq. Antonio Palacios. Lectura do manifiesto e minuto de silencio
- Ás 13:00 h. Praza Arq. Antonio Palacios. Concerto de piano e corda en memoria das vítimas da violencia machista
Mércores 29 de novembro
Xa para rematar coas actividades polo Día Internacional para a Eliminación da Violencia Contra a Muller, o mércores 29 de novembro levaranse a cabo obradoiros nos IES do Concello do Porriño, baixo o título de “Violencia de xénero e o novo contexto dixital”. Unha Actividade financiada pola Secretaria Xeral de Igualdade da Xunta de Galicia.
