| Venres 13 maio. 2022
| Ás 10:00 h
| Praza Arquitecto Antonio Palacios » ver mapa
Organiza: Concellería de Educación e OMIX do Porriño
A OMIX e a Concellería de Educación do Concello do Porriño, levarán a cabo, nos primeiros días do mes de maio, unha serie de obradoiros, inseridos na actividade “Ecopercussión”, polos centros de educación primaria do Porriño e Aceesca.
Esta actividade ten unha segunda parte que consta da exhibición “Eco-Batucada Porriño 2022”, coas exposicións dos grupos de percusión alternativa formados por nenas e nenos de 5º ou 6º de primaria dos centros educativos que participaron nestes obradoiros.
O venres 13 de maio, desde as 10:00 horas, familiares e viandantes poderán gozar dun espectáculo de ritmos de percusión afrolatinos, interpretados unicamente con material de reciclaxe. Esta actividade, situada na praza Arquitecto Antonio Palacios, terá unha duración estimada dunha hora e media e, nela, participarán ó redor de 240 alumnas/os repartidas/os en grupos e en quendas de 5 minutos.
Centros participantes:
CEIP (Antonio Palacios, Ribeira, Xosé Fernández López, Atios e Cruz Budiño), CPR (Irmáns Quiroga e Santo Tomás) e Aceesca.