Breaking Battle Porriño. 2021

| Sábado 10 de xullo. 2021
| De 17:00 a 21:00 h.
Prazuela de San Sebastián » ver mapa
| Inscricións do 3 de xuño ao 3 de xullo

Breaking Battle Porriño

Organizan: Concellería de Festexos | OMIX do Porriño

“Breaking Battle Porriño” é unha competición/encontro de Breaking que terá lugar o sábado 10 de xullo de 2021 en horario de 17:00 a 21:00 horas na Praza de San Sebastián do Concello do Porriño, onde se instalará unha pista de baile específica para a práctica desta disciplina ademais dun espazo de quecemento para os participantes e cadeiras para que o público poida asistir e gozar deste singular evento que irá acompañado de música en directo pinchada por un Dj.

Este evento contará cun único formato 1vs1 (individual) e con 2 categorías de participación; unha de “Kids” dirixida a idades comprendidas entre os 7 e os 18 anos e outra “Absoluta” para participantes maiores de 18 anos.

A organización do evento contará cos protocolos e medidas de control de aforo axeitadas para garantir a seguridade en todo momento, tanto dos participantes como do público asistente.

Os principais obxectivos desta actividade son; apoiar a diversidade no ámbito da cultura, do deporte e do lecer, promover a práctica do Breaking como hábito que mellora a calidade de vida da mocidade a nivel corporal, mental e social e facilitar un punto de encontro entre mozas e mozos, promovendo valores de respecto e solidariedade a través da experiencia competitiva.


A disciplina

O Breaking é un tipo de danza orixinaria da cultura “Hip Hop” de finais dos anos 70, caracterizada por ter un alto compoñente acrobático e por desenvolver a maior parte das súas técnicas preto do chan. Durante os seguintes 40 anos, o Breaking progresou desde as súas raíces no Bronx a unha forma de arte cultural recoñecido internacionalmente, incluíndo elementos de todo tipo de danzas e movementos atléticos propios da ximnasia ou das artes marciais. A mediados da década de 1980, o Breaking converteuse nun fenómeno mundial cunha ampla cobertura por parte dos medios de comunicación que achegaron esta cultura a nosa comunidade. Desta forma o Breaking empeza a estar presente nas nosas rúas. A medida que chegaba a década de 1990, o Breaking mantense vivo no campo de danza e o teatro, dando paso uns anos máis tarde a unha nova etapa de competicións xulgadas dando lugar ao que coñecemos como “Batallas de Breaking” (Breaking Battles).

En resumo, o Breaking converteuse nun medio de expresión artística de carácter cultural e mundial que inclúe elementos deportivos, dando así a súa natureza atlética, feito que conduciu ao Comité Olímpico Internacional (COI), a recoñecer o Breaking como deporte olímpico con debut nos Xogos Olímpicos de París 2024.


Inscrición

A inscrición para participar é de balde e poderá formalizarse enviando un correo cos seguintes datos a info@vellaescola.com, indicando os seguintes datos:

  • Nome e Apelidos
  • Dni
  • Data de nacemento
  • Localidade
  • Correo electrónico
  • Número de teléfono
  • Nome artístico (AKA)
  • Asunto: Inscrición Breaking Battle Porriño

O prazo de inscrición é do 3 de xuño ao 3 de xullo.


Breaking Battle Porriño. 2021


Breaking Battle Porriño. 2021


Cabecera-web-ecultura.png