| SEMIFINAIS: venres 22 de setembro, ás 19:00 h na Praza do Cristo (nova localización)
| FINAL: domingo 1 de outubro, ás 17:00 h na praza Arq. Antonio Palacios
| Inscricións do 6 ao 14 de setembro. 2023
A Concellería de Festexos do Concello do Porriño convoca o Concurso de Novos Talentos Musicais Val da Louriña. Tes talento? configúrase como un concurso musical dirixido ao descubrimento de novos talentos cuxo fin derradeiro é o de darse a coñecer en todos os seus ámbitos, impulsar actividades culturais no Concello do Porriño, así como promover músicos/as emerxentes nun concurso musical estruturado en varios concertos en directo.
Este concurso está dirixido a artistas afeccionados que desenvolven a súa vocación musical en España, en distintos estilos musicais.
O concurso desenvolverase no Concello do Porriño e quedará fixado nunha primeira fase preliminar (pechada ao público), ou preselección, o día 15 de setembro (infantís e adultos/as) no auditorio do Centro Cultural Municipal a partir das 20:00h.
Os adultos terán unha semifinal, celebrarase o 22 de setembro, na praza Arquitecto Antonio Palacios praza do Cristo (nova localización) ás 19 h.
A final de infantil e de adultos será o día 1 de outubro ás 17 h na praza Arquitecto Antonio Palacios (en caso de chuvia no Pavillón Municipal de Deportes).
PARTICIPACIÓN
Poderán participar neste concurso todas aquelas persoas que o desexen, con límite de idade:
- Na modalidade infantil, ata 15 anos inclusive.
- Na modalidade de adultos/as, de 16 anos en diante.
Todos os/as artistas participarán coas mesmas condicións (mesmo espazo, instrumentos…), polo que o resultado dependerá da súa actuación e calidade persoal.
O prazo de inscrición abrirase o día seguinte á publicación destas bases e rematará o día 14 de setembro, en horario de luns a venres de 9 a 14 horas, nas dependencias do Rexistro do Concello do Porriño.
Poderán presentarse grupos ata un máximo de catro compoñentes nas dúas modalidades. O tempo de actuación será de tres minutos como máximo.
XURADO
O xurado estará constituído por un comité de observación e valoración nomeado por resolución de Alcaldía, formado por membros do Concello e especialistas no campo artístico musical, sempre en número impar.
PREMIOS
Adultos:
- Primeiro premio: 400,00 euros, trofeo e gravación dun tema ou vídeo promocional.
- Segundo premio: 250,00 euros e trofeo.
- Terceiro premio: 150,00 euros e trofeo.
Infantís:
- Para os/as tres finalistas clasificados/as: un lote de produtos escolares e un trofeo.
Os premios estarán suxeitos ao IRPF que marca a Lei de aplicación.
REQUISITOS DE ACTUACIÓN
A temática e o idioma son libres, así coma o estilo musical escollido.
Non poderán participar, quedando automaticamente excluídas, aquelas persoas concursantes que utilicen cancións con termos vulgares, ou intimidatorios, de carácter racista ou discriminatorio.
DESCARGA DE DOCUMENTOS DE PARTICIPACIÓN
