| Venres 27 de setembro. 2024
| Ás 20:30 h
| Praza Arquitecto Antonio Palacios » ver mapa
O coro Gli Appassionati (oficialmente, Coro de Cámara Gli Appassionati de Vigo) é un coro de voces mixtas nacido en Vigo no ano 2012 da man da mezzosoprano Nuria Lorenzo. Aínda que empezou sendo un coro reducido nas súas orixes, na actualidade agrupa preto de corenta voces novas. Os seus integrantes, cantantes con sólida preparación vocal e musical e ampla experiencia coral, proveñen de diferentes centros de estudos musicais. No relativo ao seu repertorio, abordan unha gran variedade de xéneros, entre os cales destacan a música clásica, o folclore, a música tradicional e o pop.
Desde o seu nacemento veu constatando un crecente éxito, debido á boa acollida do público así como aos premios cultivados nos diferentes concursos nacionais aos que se presentou. Na actualidade, o coro continúa traballando a intenso ritmo para seguir crecendo no panorama nacional e internacional, levando a cabo concertos a cappella e diferentes colaboracións con diversas formacións musicais, así como presentándose a certames corais de alto nivel.
