ACTUALIZACIÓN: NOVA INCORPORACIÓN AO PROGRAMA
| Xoves 14 xullo
| Ás 22:00 h
| Exterior do Pavillón Municipal dos Deportes
Xunta de Galicia | Xacobeo 21-22
O grupo madrileño Taburete chega ao Porriño, no marco da programación do Xacobeo 21-22, coa xira presentación dos seus últimos temas, “Caminito a Matadero”.
O xoves 14 de xullo, teremos a oportunidade de cantar con eles tanto os seus novos temas como os grandes éxitos que os levaron ao máis alto do panorama musical español.
A apertura de portas será ás 21 h e o concerto dará comezo coa actuación da porriñesa Noemi Fernández, finalista de La Voz Kids 2018, que actuará ás 21:15 h. acompaña ao piano por Ana Belén Rodríguez. A nosa cita con Taburete será ás 22 h no exterior do Pavillón Municipal de Deportes.
5 Sentidos, Sirenas, Una foto en blanco y negro e Mariposas, serán algúns dos temas que soarán no Porriño este verán. Taburete desembarcará na vila o vindeiro 14 de xullo no marco da programación cultural do Xacobeo 21-22.
Un concerto que a banda suma ao seu mapa nacional de directos deste ano, que está a agotar entradas en cada unha das súas convocatorias, e que O Porriño suma a unha programación estival que non dará tempo a aburrirse e na que o Camiño de Santiago ocupará unha especial relevancia.
“Este verán vivirase no Porriño”, asegurou o alcalde, Alejandro Lorenzo, “Temos moito que aportar e un pobo de luxo para disfrutalo, por iso dende a Concellería de Cultura estamos pechando xa unha proposta de actividades para todos os gustos e públicos”.
