| Do 15 de maio ao 7 de xuño. 2026
| Require inscrición (ata o 30 de abril)
Organizan: Concellería de Xuventude e OMIX do Porriño
A Concellería de Xuventude do Porriño, a través da OMIX, organiza un curso oficial de Monitor/a de Actividades de Tempo Libre en formato intensivo semipresencial. A formación desenvolverase durante as fins de semana comprendidas entre o 15 de maio e o 7 de xuño no Centro Cultural Municipal do Porriño.
O programa formativo conta cun total de 200 horas teóricas, impartidas mediante unha metodoloxía mixta que combina sesións presenciais e formación en liña. Unha vez superada esta fase, o alumnado deberá completar un período de prácticas de 150 horas.
As persoas que finalicen o curso obterán o título oficial de Monitor/a de Actividades de Tempo Libre, adquirindo as competencias necesarias para dirixir e dinamizar grupos de diferentes idades, así como para educar, coidar e promover actividades de lecer educativo.
Este título constitúe un requisito imprescindible para traballar en ámbitos como campamentos, programas de conciliación, granxas escola, ludotecas, parques de aventuras, actividades extraescolares, centros socioculturais ou establecementos turísticos, entre outros.
A formación será impartida pola ETL Scolé, que conta cun equipo docente cualificado procedente de diversas entidades do lecer educativo. O claustro está integrado por profesionais das cooperativas Avada, Xesta Brava e NaiGaia, entre outras.
As sesións presenciais terán lugar nas seguintes datas: do 15 ao 17, do 22 ao 24 e do 29 ao 31 de maio, así como do 5 ao 7 de xuño. Os venres, as clases desenvolveranse en horario de tarde (de 16:00 a 21:00 horas), mentres que os sábados e domingos serán en xornada completa (de 10:00 a 14:30 horas e de 15:30 a 21:00 horas).
O prazo de inscrición estará aberto ata o 30 de abril. Darase prioridade ás persoas empadroadas no Concello do Porriño. As inscricións poden realizarse a través da seguinte ligazón: https://forms.gle/RUKe68LgQehuXmRj7
Máis información en: escoladetempolibre@avada.gal
Teléfono: 648 87 26 09
