| Mércores 28 de xuño. 2023
| Ás 20:00 h
| Praza Arquitecto Antonio Palacios » ver mapa
Celebración do Día Internacional do Orgullo LGTBIQ+
O Concello do Porriño convoca o Concurso a Drag Queen do Porriño Orgulloso 2023 co obxectivo de elixir o Drag Queen do Porriño Orgulloso do ano 2023 do Concello do Porriño, así coma o segundo e terceiro clasificados, que terá lugar o mércores 28 de xuño de 2023, ás 20:00 horas.
Poderán participar neste concurso todas as persoas que teñan cumpridos os 18 anos antes da celebración do acto e que acheguen, previamente ao concurso, a folla de inscrición oficial así coma os documentos que se solicitan.
As inscricións poderán presentarse de modo presencial no Rexistro Xeral do Concello do Porriño (de luns a venres de 9 a 14 horas) ou de xeito telemático, a través da sede electrónica do Concello do Porriño mediante instancia xenérica. O prazo de inscrición ata o día 23 de xuño.
A continuación do Concurso a Drag Queen do Porriño Orgulloso 2023, terá lugar o espectáculo “Soy lo que soy”, de Drag Star.
“Drag Star”, David Bugarín
co espéctaculo “Soy lo que soy”
A continuación do Concurso a Drag Queen do Porriño Orgulloso 2023
David Bugarín produtor de espectáculos e eventos, artista e Drag Queen nacido en O Porriño. Deu vida a Drag Star en agosto do 2016, da man do coñecido transformista e humorista Cristian de Samil, presentándose a varios concursos da zona e levándome premios en todos polo carisma, posta en escena, vestiario etc.
Traballou desde o 2014 en musicais infantís e espectáculos de variedades. En 2017 volve converterse en gañador da gala drag con máis prestixio en Galicia e é aí cando a cousa empeza a crecer, comezando así co seu propio show en Island Club Vigo todas as fins de semana… en setembro de 2017 entrou a formar parte da orquestra M-3 Show como artista, performance e director artístico.
É no ano 2018 cando se embarca nun cruceiro polo Mediterráneo coñecendo sitios como Francia, Italia, entre outros, e ensinando a súa mellor faceta. Destacan tamén as aparicións en programanas da Televisión de Galicia como Luar, Bamboleo, Sabadeando, Que nos pillen Rebolando, que mostraron o seu traballo dándolle así a popularidade requirida para facer, durante a pandemia pola Covid 19, unha mini xira de shows por Galicia.
