Espectáculo de marionetas de fíos: Titiricircus

| Sábado 11 de setembro. 2021
| Ás 20:30 h.
Carpa do Roxy » ver mapa
| Aforo limitado

Espectáculo de marionetas de fíos: Titiricircus. Festas do Cristo 2021. Concello do Porriño

Un Espectáculo infantil de marionetas de fíos e actores, da Compañía Tanxarina Títeres. Incluído na programación das Festas do Cristo 2021.


Unha lembranza ensoñadora e festiva do grande circo de carpa alta e bicolor: a historia de dous vellos traballadores daquel circo que lembran agora con marionetas de fíos as glorias do seu pasado na pista. Nun permanente xogo participativo có público, van aparecendo os números máis importantes daquel vello circo xa desaparecido: o home máis forte da Península Ibérica; o malabarista máis divertido e “bailón” do mundo….

A compañía Tanxarina Títeres foi fundada no ano 1.983, por varios ex-alumnos de Harry Tozer, profesor de construción e manipulación de marionetas de fíos do Institut del Teatre de Barcelona, e tamén outros profesionais galegos do teatro infantil e xuvenil . Dende entón  converteuse nunha das formacións mais recoñecidas e prestixiosas do teatro de títeres galego  tanto dentro como fora de Galicia.

Dedícase prioritariamente á produción e distribución de espectáculos dirixidos a todo tipo de públicos: infantil, xuvenil e familiar; onde se combinan diversas técnicas de animación de monecos có traballo actoral dos propios manipuladores.

Marionetas de fíos, títeres de luva, de variñas, sombras chinas , bunrakus e outros gañan así en forza expresiva e comicidade. Esa relación escénica entre títeres e actores vén sendo unha das señas de identidade da compañía dende os seus primeiros espectáculos.

Tanxarina Títeres ten presentado os seus traballos nos máis importantes Festivais de teatro de títeres: Segovia, Valencia, Barcelona, Madrid, Murcia, Bilbao, Alicante, Sevilla… Moitas son as cidades visitadas polos seus  monecos que tamén  pasearon  por Portugal, Grecia, Austria, Bélgica, Francia, Italia, El Salvador, Costa Rica, Nicaragua, Venezuela, Cuba, Colombia, Arxentina, Brasil, Guatemala, México…


Espectáculo de marionetas de fíos: Titiricircus. Festas do Cristo 2021. Concello do Porriño


Cartel Festas do Cristo 2021. Concello do Porriño


Patrocinio_Concello_Xunta_Xacobeo

Cabecera-web-ecultura.png