| Mércores 21 e 28 de xaneiro. 2026
| Actividade concertada cos centros de ensino do Porriño
Organizan: Concellería de Sanidade e OMIX do Porriño
A Concellería de Sanidade e a OMIX do Porriño organizan, para as datas 21 e 28 de xaneiro de 2026, e por cuarto ano consecutivo, as cuartas formacións sobre educación sexual, polos centros educativos do Porriño.
Estas formacións, impulsadas pola Concellería de Sanidade no marco do Plan de Saúde Local e coa colaboración do Sergas, levarase a cabo en todos os centros que imparten 2º da ESO, do noso municipio.
Un total de 236 mozos/as recibirán a formación impartida durante as tres xornadas.
Cada un dos obradoiros terá unha duración aproximada dunha hora e media e realizaranse en horario lectivo.
O obxectivo xeral é difundir información específica, promover actitudes positivas cara á sexualidade e as condutas sexuais e dotar a mocidade de recursos e habilidades para afrontar situacións de risco e negociar relacións saudables, seguras e satisfactorias.
Os obradoiros sobre Enfermidades de Transmisión Sexual (ETS) constitúen unha ferramenta fundamental para promover a saúde sexual e reprodutiva, especialmente entre a mocidade. A través deste tipo de actividades formativas, ofrécese información clara, accesible e baseada en evidencias científicas, o que permite derrubar mitos, reducir prexuízos e fomentar hábitos responsables.
A súa impartición é esencial por varias razóns:
- Prevención e detección temperá: Coñecer os modos de transmisión, os síntomas e as medidas de prevención axuda a reducir o risco de contaxio e facilita que as persoas identifiquen posibles sinais de alerta para acudir a un profesional sanitario canto antes.
- Promoción de prácticas sexuais seguras: Ensínanse métodos de protección eficaces, como o uso correcto do preservativo, e foméntase a toma de decisións informadas dentro das relacións afectivo-sexuais.
- Redución do estigma: Un enfoque educativo e aberto contribúe a eliminar tabús e discriminación cara ás persoas que padecen unha ETS, favorecendo unha sociedade máis inclusiva e consciente.
- Empoderamento da mocidade: Estes talleres axudan a que adolescentes e adultos novos adquiran competencias para coidar da súa saúde sexual, comunicarse con parellas e exercer os seus dereitos sexuais e reprodutivos.
“Os obradoiros de ETS son unha peza clave dentro da educación para a saúde, xa que fortalecen o coñecemento, a prevención e o benestar das comunidades”, sinala dona Bárbara María Troncoso Rodríguez , Concelleira de Sanidade do Concello do Porriño.
