Photocall “Amor polo Porriño” e sesión DJ

| Domingo 12 de febreiro. 2023
| A partir das 17:00 h
Praza Arquitecto Antonio Palacios » ver mapa

Photocall “Amor polo Porriño” e sesión DJ

Celebración do Día dos Namorados


O Concello do Porriño conmemora San Valentín con música e a instalación dun photocall baixo o lema “Amor polo Porriño”.

Será este domingo, 12 de febreiro, cando dende o mediodía a Tuna da Facultade de Dereito da Universidade de Santiago de Compostela realice un pasarrúas polo casco urbano da vila deleitando cos seus acordes.

Xa pola tarde, entre as 17.00 e 20.00 horas, haberá música e habilitarase un espazo na Praza Arquitecto Antonio Palacios cun sofá e un gran corazón, a modo de photocall, para que calquera que así o desexe deixe a súa pegada de “Amor por Porriño”. Ademais as parellas que se fagan unha foto poderán entrar no sorteo de nove agasallos, entre os que se atopan 3 tartas, dous circuíto nun spa, 2 ceas para dúas persoas, un detalle de xoiería e unha alfombra. O sorteo realizarase in situ, ao finalizar a tarde.


Cabecera-web-ecultura.png