| Domingo 22 de setembro. 2024
| A continuación do concerto da Real Banda de Gaitas da Deputación de Ourense
Orquestra Gran Parada
En 1962 uns músicos procedentes da orquestra “Gran Peña” tomaron a decisión de crear a súa propia formación. Os integrantes desta nova formación decidiron coller o nome dun programa de televisión, que por eses anos tiña unha gran fama, chamado Gran Parada e adicado en gran parte á música.
O longo destes máis de cincuenta anos a Orquestra Gran Parada foise facendo un oco dentro das grandes formacións galegas grazas o esforzo e bo facer de tódolos músicos que pertenceron a esta formación. Ademáis de ter no seu repertorio a mellor música de baile posible e tamén os temas máis actuais.
Orquestra Kubo
É unha orquestra nova, pero xa conquista as festas de Galicia. Kubo naceu co obxectivo de crear un repertorio para todos os públicos e agora fai bailar aos asistentes ás verbenas galegas ao ritmo de cancións de todas as épocas que acompaña cun coidado espectáculo visual sobre o escenario máis grande de Europa. Un proxecto que estivo a piques de verse truncado pola pandemia pero que, con todo, renaceu con forza.
O proxecto naceu en Caldas de Rei en 2018 como unha alternativa ás grandes orquestras que fan un inmenso traballo non só en Galicia senón en todo o territorio nacional. Kubo buscaba introducir “certas particularidades” no repertorio, apostando por facelo máis extenso.
