| Días 7 e 8 de maio. 2022 (Domingo 8 de maio > 3ª etapa: Gran premio do Porriño)
| Ás 10:30 h
| Saída e chegada na rúa Domingo Bueno
Concellería de Deportes
A proba, organizada polo club ciclista Máster da Louriña disputarase no Porriño, Mos e Ponteareas os días 7 e 8 de maio. A sexta edición da Challenge As Rías Baixas reunirá esta fin de semana a 200 ciclistas para disputar as súas tres etapas.
VI Challenge As Rías Baixas está reservada para as categorías masculinas M30, M40, M50, M60 e femininas ELITE-SUB23, M30 e M40, así como xuvenís.
1º ETAPA “GRAN PREMIO DE MOS”: etapa en liña de 6 km. neutralizada + 83 de carreira, desnivel acumulado 800 m.
2º ETAPA “GRAN PREMIO CONCELLO DE PONTEAREAS”: contrarreloxo de 5 km., desnivel acumulado 40 m.
3º ETAPA “GRAN PREMIO DO PORRIÑO”, etapa en liña de 14.4 km. de neutralizado + 85 km. de carreira, 973 m. de desnivel acumulado.
Inscricións e clasificación xeral
A proba rexerase por unha clasificación por tempos, onde o vencedor de cada categoría é o que menor tempo obteña nas 3 etapas.
O número de participantes está limitado a un máximo de 200 corredores (federados). Para a categoría master resérvanse 170 prazas cun custo de 15 euros por etapa sendo 45 o total das 3 etapas. Terán preferencia na reserva de prazas, a hora da inscrición e o numero de etapas a disputar, dando prioridade aos corredores que corren 3 etapas, logo 2 etapas e finalmente 1 etapa. Para a categoría feminina se reservan as 25 primeiras prazas e para os juniors outras 25 prazas a custo 0 €. Os corredores que queden fose da lista devolveránselle o 100% do ingresado. A inscrición é a través da páxina da pasarela da federación galega de ciclismo.
Identificacións dos corredores
Cada participante recibirá coa inscrición, 2 dorsais, un tríptico coa información do rutómetro e un dorsal de plástico de identificación na bicicleta.
É obrigatorio o uso dos 2 dorsais e a identificación da bicicleta en cada etapa en liña. Unha vez finalizado o evento devolverase coa devolución dos 2 dorsais.
Categoría feminina
Na 1º etapa toda a categoría feminina sairá cun adianto de 15 minutos ao pelotón e incorporásese á carreira no punto km. 4.5 de carreira (farmacia de Mosende), á altura do coche apertura da organización.
Oficina permanente
Abrirase a oficina permanente 2 horas antes da saída de cada proba nos locais próximos debidamente habilitados e sinalizados.
Composición e clasificación por equipos
Non existe límite máximo de corredores por club. Para poder contar con vehículo de apoio de equipo son necesarios un mínimo de 3 corredores
A clasificación por equipos, consta da suma dos 3 primeiros de cada equipo en cada etapa. En caso de empate, resolverase a favor do que obtivese mais primeiros postos na clasificación diaria por equipos.
Radio volta
A información da carreira emitirase nunha frecuencia nas emisoras facilitadas pola organización.
Xeral Premio da montaña, meta volante e sprint especial
Obterase pola suma dos puntos conseguidos por cada corredor nos pasos puntuables. En caso de empate resolverase a favor de quen conseguise mais primeiros postos nos pasos puntuables. De seguir empatados será a clasificación xeral quen determine ao gañador.
Os puntos conseguidos en cada paso puntuable son:
Posto Puntos > 1ª 3 – 2ª 2 -3ª 3
Protocolo
Ao final de cada etapa os corredores deben presentarse en pódium con vestimenta de competición para a cerimonia protocolaria.
Protocolo anticovid-19
Será de obrigado cumprimento toda a normativa sanitaria estipulada pola federación e o club organizador vixente o día da proba.
Premios
- Un trofeo aos 3 mellores clasificados de cada categoría en cada etapa coa súa correspondente camisola de líder.
- Un trofeo artesanal ao gañador de cada gran premio en cada etapa co seu ramo de flores.
- Un trofeo + camisola aos gañadores dos premios MV SE PM e Combinada de cada etapa.
- Un trofeo aos gañadores por equipos en cada etapa.
- 3 trofeos e maillot aos 3 finalistas da xeral de cada categoría.
- 1 trofeos aos 3 primeiros equipos da xeral.
- Un trofeo e maillot aos líderes da xeral dos premios MV ES e PM
- Trofeo e maillot exclusivo ao gañador da xeral
Penalizacións
Aplicarase o baremo de sancións da RFEC. Todos os casos non previstos no presente regulamento serán resoltos polo regulamento UCI.