Visita guiada ao Concello

| Días 20 e 25 de xaneiro / 1 e 10 de febreiro / 1, 3 e 10 de marzo. 2023
| De 10:00 a 13:00 h
Casa do Concello » ver mapa
| Actividade concertada cos centros de ensino do Porriño

Visita guiada ao Concello

Concellería de Educación e OMIX do Porriño


O Concello do Porriño pon en marcha, a partir de xaneiro, as visitas presenciais ao edificio da Casa do Concello dirixidas ao alumnado de 3º de Educación Primaria dos centros educativos do municipio, 1º da ESO no caso dos IES e alumnado de Aceesca.

Ditas visitas desenvolveranse de xaneiro a marzo de 2023. Nestes meses, a casa consistorial recibirá a visita dun total de 397 alumnos/as, repartidos nas seguintes datas:

  • venres 20 e mércores 25, no mes de xaneiro.
  • mércores 1 e venres 10, no mes de febreiro.
  • mércores 1, venres 3 e venres 10, no mes de marzo.

Levaranse a cabo de 10:00 a 13:00 h. A duración aproximada de cada visita será de 45 minutos.

A Concellería de Educación e a OMIX organizan esta actividade en colaboración cos centros educativos do Porriño para que, nas visitas á Casa do Concello, o alumnado participante, acompañado pola funcionaria dona Rosa Abril que actuará como guía, poida coñecer a súa historia e as funcións das distintas salas e espazos; así coma dos órganos municipais que desempeñan as súas funcións en cada unha destas salas. Percorrerán os corredores das dependencias municipais e entrarán no salón de plenos, na alcaldía ou no balcón dende o que tradicionalmente se pregoa o inicio do Entroido, das festas do Cristo…

A concelleira de Educación, Carolina González Costas, explicou que con esta iniciativa de portas abertas dirixida aos/ás escolares do municipio “pretendemos dar a coñecer en profundidade o Concello aos/ás máis pequenos/as, xa que normalmente, só teñen acceso á zona de rexistro cando van acompañados dun adulto e tomen conciencia da importancia de participar na vida municipal”.


Visita guiada ao Concello

Visita guiada ao Concello


Cabecera-web-ecultura.png