| Sábado 13 de abril. 2024
| De 10:00 a 20:00 h
| Distintas localizacións
Organizan: Concello do Porriño, Agrupación Apícola de Galicia e Asociación de Apicultores da Provincia de Pontevedra.
A Feira Apícola Rías Baixas chega á súa trixésimo sexta edición cun extenso e ambicioso programa de actividades dirixidas tanto aos maiores coma os cativos da casa. Organizada pola Agrupación Apícola de Galicia, xunto coa Asociación de Apicultores da Provincia de Pontevedra e o Concello do Porriño, este evento constitúe un importante encontro cos mellores profesionais do sector e unha cita indispensable para todas aquelas persoas versadas ou afeccionadas ao fermoso mundo das abellas.
A apertura da feira terá lugar este sábado 13 de abril, ás 10:00 h, cun programa cheo de actividades que se estenderán ata última hora da tarde. As Xornadas Técnicas Internacionais de Apicultura emprazaranse nunha carpa situada na Praza do Cristo, entre as 10:00 h e as 19:30 h. Case o mesmo horario no que permanecerá activo o mercado de artesanía Bee Happy Market e a Feira do Mel, concretamente de 10.30 h a 20.00 h. A asistencia a calquera das actividades é totalmente de balde.
Contos do Mel de Galicia. Os nenos e o Mel de Galicia
Venres 12 de abril á mañá
Centro Cultural Municipal Praza Arquitecto Antonio Palacios
Actividade concertada cos centros de ensino do Porriño
O Consello Regulador da IXP Mel de Galicia e a Agrupación Apícola de Galicia, achegarán aos nenos o fermoso mundo da apicultura e todos os beneficios que nos aportan as abellas. Ademais, poderán participar nunha degustación comentada.
Roteiro de petiscos
Venres 12 e sábado 13 de abril
Establecementos hostaleiros da vila
Desfruta dos distintos petiscos que os establecementos hostaleiros da vila preparan para celebrar Feira Apícola.
Máis info sobre o Roteiro de Petiscos [ + info ]
Xornadas Internacionais de Apicultura
Sábado 13 de abril, de 10:00 a 19:30 h
Praza do Cristo
As Xornadas Internacionais de Apicultura contarán con profesionais altamente cualificados para abordar as temáticas que máis preocupan ao sector, vencelladas coa saúde das abellas, o futuro da colmea e incluso da propia apicultura.
- Ás 10:00 h: Apertura da Feira.
- Ás 10:05 h: Abelleiro europeo. Unha realidade no control da Vespa velutina.
Relator: D. José Manuel Fernández. Ornitólogo e investigador na Universidade de Alcalá de Henares (Madrid). - Ás 11:00 h: Retos e perspectivas da investigación apícola en Galicia.
Relatora: Dra. Carmen Seijo Coello. Catedrática e investigadora da Facultade de Ciencias de Ourense, Universidade de Vigo. - Ás 12:00 h: Varroa destructor: danos ás abellas e control.
Relator: Dr. Ernesto Guzmán Novoa. Entomólogo e veterinario, Director do Centro de Investigacións en Abellas, Universidade de Guelph (Ontario-Canadá). - Ás 14:05 h: Descanso Xantar.
- Ás 17:30 h: Impacto da produción de própole na rendibilidade da explotación apícola.
Relatora: Dna. Sandra Barbosa. CITAB, Universidade de Tras Os Montes e Alto Douro (Portugal). - Ás 18:30 h: Mellora da sustentabilidade apícola mediante o uso das novas tecnoloxías e a conservación da abella local, Grupo Operativo SOST APÍCOLA.
Relatora: Dra. Ana Diéguez Antón · nvestigadora da Facultade de Ciencias de Ourense, Universidade de Vigo. - Ás 19:00 h: A importancia da conservación da abella local en Galicia. Queres participar no Grupo Operativo PANEGA coa túa explotación?.
Relator: D. Rubén Fernández · Biólogo e apicultor profesional, Agrupación Apícola de Galicia. - Ás 19:30 h: Clausura.
Bee Happy Market e a Feira do Mel
Sábado 13 de abril, de 10:30 a 20:00 h
Praza Arquitecto Antonio Palacios
Mel e artesanía volverán a darse cita no Porriño da man do mercado máis apetitoso. Os amantes do ouro doce da natureza, o bo comer e os produtos artesanais, teñen unha cita ineludible co Bee Happy Market que dará comezo ás 10.30 h e pechará ás 20.00 h.
Obradoiros infantís Bee Happy Market
Sábado 13 de abril, de 11:00 a 14:00 h e de 16:00 a 19:30 h
Praza Arquitecto Antonio Palacios
De balde • Ata completar aforo • A partir de 1 ano de idade
Os máis cativos aprenderán e desfrutarán con diversas actividades de temática apícola.
Unha viaxe sensorial a través dos meles con IXP e DOP
Sábado 13 de abril, ás 12:30 h
Praza Arquitecto Antonio Palacios
De balde • Máximo 40 persoas • Para todas as idades
Unha oportunidade para descubrir todos os matices do mel, a través dunha cata comentada das diferentes variedades pertencentes á IXP Mel de Galicia e á DOP Miel de la Alcarria.
Relatoras: Dna. Beatriz Ríos Cebreiros (Técnica e formadora do Panel de Cata da IXP Mel de Galicia) e Dna. Amelia V. González Porto (Dir.ª do Laboratorio de Produtos da Colmea, CIAPA-IRIAF).
Cata de Queixos premiados nas Catas de Galicia 2023
Sábado 13 de abril, ás 17:00 h
Praza Arquitecto Antonio Palacios
De balde • Ata esgotar existencias • Para todas as idades
Poderemos desfrutar dunha cata comentada dos diferentes queixos galegos con DOP, gañadores nas Catas de Queixos de Galicia 2023.
Relatora: Dna. Salomé Beiroa Fernández, catadora do Panel de Cata da Xunta de Galicia.
Obradoiro de elaboración de portamerendas
Sábado 13 de abril, ás 18:00 h
Praza Arquitecto Antonio Palacios
De balde • Ata completar aforo • Idades de 3 a 12 anos
Aprenderemos a elaborar portamerendas con cera de abella e teas.
