| Do 27 ao 31 de maio. 2024
| Actividade concertada cos centros educativos do Porriño
Organizan: Concellería de Educación, OMIX do Porriño e Escola Municipal de Música
Desde a Concellería de Educación, Cultura, Escola Municipal de Música e a OMIX do Porriño, co obxectivo de fomentar os estudos de música entre os/as máis cativos/as, retomamos os Concertos didacticos polos centros educativos do Porriño, para darlle a coñecer aos alumnos/as, o que ofrece a nosa Escola Municipal de Música.
Por parte do profesorado da Escola, levaranse a cabo uns concertos didácticos, cada un deles cunha duración aproximada de 45 minutos, nos que achegarán ao alumnado coñecementos sobre as distintas familias instrumentais (vento-madeira, vento-metal, corda e percusión); así como música de diversos estilos. Tamén o alumnado poderá probar algúns dos instrumentos.
Esta actividade vai dirixida ao alumnado dos niveis de Educación Infantil (a partir dos 4 anos) e 1º -2º de Educación Primaria, e levarase a cabo na semana do 27 ao 31 de maio. Participarán un total de 672 alumnos e alumnas dos colexios: CEIPP Antonio Palacios, CEIPP de Atios, CPR Hermanos Quiroga, CEIPP da Ribeira, CEIPP Fernández López, CPR Santo Tomás. CEIP de Mosende e CEIP Cruz-Budiño.
