ACTUALIZACIÓN: nova localización
| Venres 30 de decembro. 2022
| Praza Arquitecto Antonio Palacios Rúa Domingo Bueno (instalarase unha gran carpa)
O Porriño prepárase para despedir o 2022 por anticipado. Un ano máis, despediremos o ano por adiantado cunha cita xa convertida en tradición na Louriña. Ante as previsións meteorolóxicas a celebración do Pre Fin de Ano no Porriño trasládase á rúa Domingo Bueno. Alí, instalarase unha gran carpa de preto de 1.000 m2 que acollerá todas as actividades da programación.
Será o venres 30 de decembro e desta vez, a celebración ocupará todo o día con con actividades para todos os públicos, dende os máis pequenos ata os maiores.
A festa dará comezo ás 11:30 h da mañá cos pequenos e pequenas como protagonistas xa que terán o seu Pre Fin de Ano Infantil con actividades e animación a cargo das As Maimiñas, unha sesión DJ Mini e concurso de atuendo polo que é importante que veñan ben elegantes para participar. Por suposto, as doce badaladas soarán para despedir o ano a cargo do grupo porriñés King Kids, que farán unha previa do concerto que ofrecerán pola tarde. Haberá cotillón especial para todos!.
Arredor das 19:00 h dará comezo o concerto dos King Kids e de seguido comezará a soar baixo a carpa a música das rondallas de Atios e Pontellas. Pero a festa non para e de seguido comezará a soar a música da orquestra La Fórmula que, xunto a actriz Rebeca Stones e ao reputado dj Michael Chenlo, que actuará despois, serán os encargados de de dar as badaladas coas que diremos adeus ao 2022 e recibiremos o novo ano. Por suposto haberá uvas e cotillón para facelo por todo o alto.
O alcalde, Alejandro Lorenzo, aproveitou para convidar a todo o mundo “a despedir xuntos no Porriño este ano e, sobre todo, a recibir o que entra con ilusión e ganas de facelo inesquecible”.