ACTUALIZACIÓN: novo horario
| Venres 5 de xaneiro. 2024
| A partir das 16:30 h 17:30 h
| Centro urbano e praza Arquitecto Antonio Palacios
Cabalgata acompañada de personaxes infantís
O Concello do Porriño ten o pracer de anunciar a visita das Súas Maxestades os Reis Magos de Oriente. Melchor, Gaspar e Baltasar chegarán ao Porriño o día 5 de xaneiro. Irán acompañados dun enorme séquito formado polos seus paxes reais e persoaxes infantís que farán as delicias dos máis pequenos e pequenas na noite máis máxica do ano.
O desfile dará comezo ás 17:30 h dende a rúa Doantes de Sangue. A comitiva irá encabezada pola Rondalla Santa Eulalia de Atios, á que seguirán un total de seis carrozas nas que irán os Reis Magos, acompañados dun gran séquito formado polos seus paxes e personaxes de animación infantil, tamén estará o tren de Nadal e pechará a Rondalla de Pontellas.
O desfile percorrerá a rúa Antonio Palacios, para continuar por Domingo Bueno ata San Sebastián, e dende alí San Bieito, Manuel Rodríguez e Ramón González (zona peonil) para rematar no Parque do Cristo.
A recepción a todos os nenos farase no interior da Casa do Concello. Melchor, Gaspar e Baltasar estarán na primeira planta, como estivera xa Papá Noel, onde recibirán á cativada para entregarlles caramelos e un pequeno detalle, e escoitar os seus desexos para a noite máis máxica do ano.
RECOMENDACIÓNS DE SEGURIDADE
- Non utilizar o paraugas para recoller os caramelos. O seu mal uso pode ser perigoso.
- Non baixen das beirarrúas nin salten os valados de seguridade. Manterse a unha distancia prudencial das carrozas é sempre unha boa opción.
- Lembren que unha carroza parada pode poñerse en marcha en calquera momento, así que é mellor non deixar que as crianzas se acheguen a elas.
- É importante colocar ás crianzas en lugares seguros e a unha distancia prudente das carrozas.
- Non distraer aos conductores que levan os vehículos da Cabalgata.
- Non perder de vista ás crianzas. Pode soar obvio pero telos localizados en todo momento evitará algún que outro susto.
- É recomendable que as crianzas leven anotado nunha pulseira ou tarxeta o seu nome e un teléfono de contacto por sí se perden.
- Explicar aos nenos e nenas que deben facer no case de perderse: dirixirse a un axente da Policía Local ou a un voluntario de Protección Civil.
PERCORRIDO DAS SÚAS MAXESTADES OS REIS MAGOS DE ORIENTE
VENRES 5 DE XANEIRO DE 2024
Click na imaxe para ampliar